పెళ్ళి చేసుకునే ముందు వారిలో ఈ లక్షణాలు ఉన్నాయో చూడండి.. | Fun Jio


వివాహం అనేది గొప్ప విషయం. ప్రతీ ఒక్కరి జీవితంలో ఈ అంశం ముఖ్య పాత్ర పోషిస్తుంది. అలాంటి వివాహం విషయంలో కొన్ని జాగ్రత్తలు తీసుకోవడం చాలా ముఖ్యం. మీరు మీ జీవిత భాగస్వామి ఎంచుకోవాలనుకుంటున్నారా.. వారిలో కొన్ని విషయాల గురించి ముందుగానే తెలుసుకోవాలి. మ్యారేజ్, లైఫ్ పార్టనర్ ఎంపిక విషయంలో ప్రతీఒక్కరికీ ఖచ్చితమైన స్పష్టత ఉండాలి.ఇది మీ జీవితాన్ని ఆనందమయం చేస్తుంది. అందుకోసం ఇక్కడ కొన్ని జాగ్రత్తలు సూచిస్తున్నాం. ఇవి భాగస్వామి ఎంపికలో మీకు సాయపడతాయి.

1. సెన్సాఫ్ హ్యూమర్ ముఖ్యమే

తాను నవ్వడం, చుట్టూ ఉన్నవారిని నవ్వించడం అనేది చాలా గొప్ప విషయం. అలాంటి వారు ఉంటే ఏ బంధమైనా బోర్ కొట్టకుండా ఉంటుంది. అలాంటివారితో సమయం గడపాలని ఉంటుంది. అంతేకానీ, ముభావంగా ఉంటూ ఏదో ఇబ్బంది పడుతున్నట్లుండేవారితో ఎక్కువ సమయం గడపాలని కోరుకోం. అందుకే మీ జీవిత భాగస్వామికి సెన్సాఫ్ హ్యూమర్ ఉందో లేదో తెలుసుకోవాలి. మీరు పెళ్లి చేసుకుని..మీఇంటిని, ఆ వాతావరణాన్ని అన్నింటినీ వదిలి కొత్త ప్రపంచంలోకి అడుగుపెడతారు. అలాంటప్పుడు మీ పార్టనర్ మిమ్మల్నీ తన హాస్య చతురతతోనే తన జీవితంలోకి ఆహ్వానించాలి. అప్పుడే మీరు ఒంటరి అన్న ఫీలింగ్ నుంచి బయటపడతారు. కాబట్టి తకు సెన్సాఫ్ హ్యూమర్ ఉందో లేదో తెలుసుకోవడం చాలా ముఖ్యం. నవ్వుతూ ఉండడం.. చుట్టూ ఉన్నవారిని నవ్వించడం అనేది గొప్ప వరం. అది మీ పార్టనర్‌కి ఉంటే మీరు ఆనందంగా తనతో జీవితాన్ని గడపొచ్చు. కాబట్టి.. ఆ క్వాలిటీ తనలో ఉందో లేదో ముందు చెక్ చేసుకోండి..

2. అతను జీవితంతో ఆటలు ఆడకూడదు

అయితే, ప్రతీ ఒక్క విషయాన్ని జోక్‌గా తీసుకోకూడదు. కొన్ని విషయాల్లో ఎలా ప్రవర్తించాలో అలానే ప్రవర్తించాలి. మనకి కాబోయే లైఫ్ పార్టనర్‌ నిజాయితీగా ఉండడం చాలా ముఖ్యం. ప్రతీ ఒక్క విషయంలో తాను ఖచ్చితమైన నిర్ణయాలు కలిగి ఉండాలి. ముఖ్యంగా ముక్కుసూటితనం ఉండాలి. ఇది ఏ విషయంలోనైనా అలానే ఉండాలి. ప్రతీ ఒక్క విషయాన్ని ముక్కుసూటిగా చెప్పగలగాలి. చెప్పే విషయం సంతోష పెట్టినా.. బాధపెట్టినా.. ముక్కుసూటిగా చెప్పగలగాలి. ఇలా చెప్పే గుణం మీరు కోరుకునేవారికి ఉందో లేదో తెలుసుకోండి. ఇలాంటి వ్యక్తిత్వం ఉన్నవారు.. ఎప్పుడు నిజాయితీగా ఉంటారు. ఇలాంటివారితో మీ బంధాన్ని నిశ్చింతగా మొదలుపెట్టొచ్చు. ఎందుకంటే ఎలాంటి సమయంలోనూ వారు అబద్ధం చెప్పరు. ఎదుటివారిని బాధపెట్టరు. కాబట్టి.. అలాంటి గుణం మీ లైఫ్ పార్టనర్‌లో ఉండేలా జాగ్రత్త పడండి. అది అందరికీ చాలా మంచిది.

3. అతను మీ బెస్ట్ ఫ్రెండ్ అయి ఉండాలి

పెళ్లి బంధం అనేది గొప్ప అనుబంధం. ఇది జీవితాంతం మనకి భరోసానివ్వాలి. గొప్పగా ఉండాలి. అలాంటి బంధాన్ని అపురూపంగా మలుచుకోవాలంటే మన జీవిత భాగస్వామి మనకి గొప్ప స్నేహితుడిగా ఉండాలి. తనతో మనం అన్నీ విషయాలను పంచుకునేలా ఉండాలి. మీ భావాలన్నింటినీ స్వేచ్ఛగా చెప్పుకునే విధంగా ఉండాలి. ఇలా ఉన్నప్పుడే మీ వివాహ బంధం అద్భుత కావ్యంగా మారుతుంది. చెప్పే ప్రతీ విషయాన్ని కూడా తనతో షేర్ చేసుకునేందుకు ఎలాంటి సందేహం ఉండకూడదు. ఇలాంటివారితో హ్యాపీగా ఉండొచ్చు. కాలం గడిపేయొచ్చు. కాబట్టి మీ పార్టనర్‌కి స్నేహం చేసే గుణాలు ఉన్నాయో లేవో చూడండి. ఇది మీ వివాహం తర్వాత మీకు చాలా బాగా హెల్ప్ అవుతుంది.

4. ఎంచుకున్న వ్యక్తి నమ్మకంగా ఉండాలి

వివాహ జీవితం చాలాకాలం కొనసాగాలి, కావున మీ భాగస్వామి మీకు అందుబాటులోనే ఉన్నారా, తరచూ మీతో మాట్లాడేందుకు ఆసక్తి చూపిస్తున్నారు.
మీకంటూ స్వేచ్చను అందిస్తున్నారా.. తరచుగా కాల్ చేస్తున్నారా అనే అంశాల గురించి ఆందోళన సర్వసాధారణం. కాబట్టి.. మీరు ఖచ్చితమైన వ్యక్తిని ఎంచుకోవడం చాలా ముఖ్యం. ప్రతీ ఒక్క విషయాన్ని ఆచితూచి వ్యవహరించడమనేది చాలా ముఖ్యం. ఎందుకంటే మీరు తనతో కలిసి జీవితమంతా కాలం గడపాలి. కాబట్టి వివాహానికి ముందే అన్నీ విషయాలు తెలుసుకోవడం చాలా ముఖ్యం.

ఏ బంధమైనా ఎక్కువకాలం నిలవాలంటే నమ్మకం అనేది చాలా ముఖ్యం. అందుకే మీ బంధాన్ని పదిలపరుచుకోవాలంటే లైఫ్ పార్టనర్ ఎంపికలో అన్నీ విషయాలు ఆచితూచి వ్యవహారించాలి. ప్రతీ ఒక్క విషయాన్ని క్షుణ్ణంగా పరిశీలించాలి. ఇంతకుముందు రోజుల్లో అయితే పెళ్లి అంటే అటు ఏడు తరాలు.. ఇటు ఏడు తరాలు చూడాలి అని చెప్పేవారు. కానీ.. ఇప్పుడున్న స్పీడ్ యుగంలో అంత సమయంలో ఎవరికీ ఉండట్లేదు. త్వరత్వరగా పెళ్లిచూపులు.. వెంటనే ఎంగేజ్‌మెంట్.. మరింత కంగారుగా వివాహం.. ఇలాంటి తొందరపాటు పనుల వల్లే నేడు విడాకులు తీసుకుంటున్నవారి సంఖ్య కూడా పెరిగిందని చెప్పొచ్చు. అంటే.. అందరూ తప్పుడు నిర్ణయాలు తీసుకుంటారని చెప్పడం లేదు.. ఒక్కొక్కరికీ ఒక్కో అభిప్రాయాలు ఉంటాయి. అవి అందరికీ నచ్చాలని లేదు. కాబట్టి.. మన అభిప్రాయాలు నచ్చేవారు.. వాటికి విలువనిచ్చేవారి గురించి తెలుసుకుని అలాంటి వారిని ఎంపిక చేసుకోవడం చాలా ముఖ్యం. ఇలా చేయడం వల్ల ఆ రిలేషన్ ఎంతో అందంగా.. మరింత ఆనందంగా ఉంటుంది.

అదే విధంగా.. మనం ఎలాంటి వ్యక్తులను కోరుకుంటున్నామో.. మన వైపు నుంచి కూడా ఎదుటివారు అలానే ఆలోచిస్తారనే విషయం మరిచిపోకూడదు. ఖచ్చితంగా మనం కూడా వారిని అన్నీ విషయాల్లోనూ అర్థం చేసుకోవడం చాలా ముఖ్యం. జీవిత భాగస్వామి నుంచి ఎదురుచూసే లక్షణాలన్నీ మనలోనూ ఉండేలా చూసుకోవాలి. అప్పుడే జీవితం ఆనందమయం అవుతుంది. ఒకవేళ మనకు ఏవైనా విషయాలు వారిలో నచ్చకపోతే.. అవి నేరుగా చెప్పాలి. అసలు ఎందుకు అవి నచ్చలేదో వివరించాలి. దాని వల్ల వారు కూడా ఆ విషయాన్ని మార్చుకునే ప్రయత్నం చేస్తారు. ఈ విషయాన్ని ఎప్పుడూ కూడా మరిచిపోకూడదు. అంతేకానీ, బంధంలో ఏవైనా విషయాలు నచ్చకపోతే వాటిని మనసులోనే పెట్టుకుని తెగ మదనపడుతుంటారు. ఇలాంటి అలవాటు ఎప్పుడూ మంచిది కాదు. అందుకే వివాహానికి ముందే అన్నీ విషయాలు తెలుసుకోవడం చాలా ముఖ్యం. పండంటి కాపురానికి 12 సూత్రాలు అంటూ ఏమీ ఉండవు.. అభిప్రాయాలు కలవడం.. ఆచరించడం.. ఒకర్నొకరు గౌరవించుకోవడం.. ఇదే అసలైన బంధానికి సిసలైన నిర్వచనం. ఇది పాటించినవారి జీవితం ఎంతగానో బాగుంటుంది. దీనికి మించిన మరే నిర్వచనాలు.. నియమాలు అవసరం ఉండదు.

Please Read Disclaimer

READ:   లాక్ డౌన్ సమయంలో జేసీ బ్రదర్స్ కు బిగ్ షాక్... - Fun Jio