వంకాయ కాల్చిన పచ్చడి . ( వంకాయ బజ్జీ పచ్చడి )

వంకాయ కాల్చిన పచ్చడి . ( వంకాయ బజ్జీ పచ్చడి )

కావలసినవి .

గుండ్రని వంకాయలు — మూడు.
పచ్చిమిర్చి — 8
కొత్తిమీర — ఒక కట్ట
చింతపండు — నిమ్మకాయంత
పసుపు — కొద్దిగా
ఉప్పు — తగినంత .

పోపునకు .

నూనె — మూడు స్పూన్లు
ఎండుమిరపకాయలు — 6
మినపప్పు — స్పూను
ఆవాలు — అర స్పూను
జీలకర్ర — పావు స్పూను
ఇంగువ — కొద్దిగా

తయారీ విధానము .

ముందుగా వంకాయలు పైన నూనె రాసి స్టౌ సిమ్ లో పెట్టి అన్ని వైపులా కాల్చుకుని చల్లారగానే తడి చేతితో పై తొక్క మరియు తొడిమ తీసుకుని వేరే ప్లేటులో పెట్టు కోవాలి .

Related:   సాంబార్

వీటి పైన కొద్దిగా పసుపు వేసుకోవాలి .

చింతపండు విడదీసి నీళ్ళలో తడుపు కోవాలి .

ఇప్పుడు స్టౌ మీద బాండీ పెట్టి మొత్తం నూనె వేసి , నూనె బాగా కాగగానే వరుసగా ఎండుమిర్చి ముక్కలు , మినపప్పు , ఆవాలు , జీలకర్ర , ఇంగువ వేసి పోపు వేయించుకోవాలి .

పోపు చల్లారగానే ముందుగా మిక్సీ లో ఎండుమిరపకాయలు , చింతపండు , ఉప్పు వేసి మెత్తగా మిక్సీ వేసుకోవాలి.

తర్వాత పచ్చిమిరపకాయలు మరియు వేసి మెత్తగా వేసుకోవాలి .

తర్వాత కాలిన వంకాయలు , మిగిలిన పోపు మరియు కొత్తిమీర కూడా వేసి ఒకసారి మిక్సీ వేసుకోవాలి .

అంతే దోశెలు , చపాతీలు మరియు భోజనము లోకి వంకాయ కాల్చిన పచ్చడి సిద్ధం.

Leave a Reply

Your email address will not be published. Required fields are marked *