IPL 2020: ఐపీఎల్ షెడ్యూల్ వచ్చేసింది…సన్ రైజర్స్ తొలి మ్యాచ్ ఏ టీంతో అంటే…?– News18 Telugu


సన్ రైజర్స్

ఐపిఎల్ 13వ సీజన్ మార్చి 29న వాంఖడే స్టేడియంలో ప్రారంభం కానుంది. ఈ నేపథ్యంలో సన్‌రైజర్స్ హైదరాబాద్ ఫ్రాంచైజీ తమ షెడ్యూల్‌ను విడుదల చేసింది. వాంఖడే స్టేడియంలో జరిగే సీజన్‌ తొలి మ్యాచ్‌లో డిఫెండింగ్‌ చాంపియన్‌ ముంబై ఇండియన్స్‌, చెన్నై సూపర్‌ కింగ్స్‌ జట్లు తలపడనున్నాయి. అధికారికంగా ఐపిఎల్ షెడ్యూల్‌ను నిర్వాహకులు వెల్లడించనప్పటికీ రాయల్ చాలెంజర్స్, సన్‌రైజర్స్‌ జట్లు తమ షెడ్యూల్‌ను విడుదల చేశాయి. ఉప్పల్ రాజీవ్ గాంధీ అంతర్జాతీయ క్రికెట్ స్టేడియంలో ఏప్రిల్ 1న ముంబయి ఇండియన్స్ తో సన్ రైజర్స్ తన తొలి మ్యాచ్ ఆడనుంది. మొత్తం 14 మ్యాచ్‌ల వివరాలను సన్‌రైజర్స్ తన ట్విట్టర్‌ పేజ్ లో పోస్టు చేసింది. చివరి లీగ్ మ్యాచ్ మే 17న కోల్‌కతా నైట్‌రైడర్స్‌తో ఈడెన్ గార్డెన్‌లో జరుగుతుంది. మే 24న ఫైనల్‌ జరగనుంది. ఇకపై కేవలం ఆదివారాల్లో మాత్రమే రెండు(4PM, 8PM) మ్యాచ్‌లను నిర్వహించనున్నారు. లీగ్‌ దశ ఏకంగా ఆరువారాల పాటు కొనసాగనుంది. ఉప్పల్ స్టేడియంలో ఏప్రిల్ 1, 12, 16, 26, 30, మే 5, 12 తేదీల్లో లీగ్ మ్యాచులు జరగున్నాయి.

సన్‌రైజర్స్ హైదరాబాద్ జట్టు:
కేన్ విలియమ్సన్ (కెప్టెన్), డేవిడ్ వార్నర్, మనీశ్ పాండే, విరాట్ సింగ్, ప్రియమ్ గార్గ్, అబ్దుల్ సమద్, భువనేశ్వర్ కుమార్, ఖలీల్ అహ్మద్, సందీప్ శర్మ, సిద్ధార్థ్ కౌల్, బిల్లీ స్టాన్‌లేక్, నటరాజన్, అభిషేక్ శర్మ, షహ్బాజ్ నదీమ్, మిచెల్ మార్ష్, ఫాబియన్ అలెన్, మహ్మద్ నబీ, రషీద్ ఖాన్, సంజయ్ యాదవ్, జాన్ బెయిర్‌స్టో, వృద్ధిమాన్ సాహా, శ్రీవత్స్ గోస్వామి, బసవక సందీప్, బాసిల్ తంపి



First published: February 16, 2020



READ:   Chelsea braced for Michy Batshuayi offer in summer